Aquí están as fotos do día dos Maios, o noso maio e os nosos campións, que non gañaron o premio á mellor interpretación porque as camisetas non eran brancas ¡imaxe corporativa manda!

Non esquezades que esta fin de semana andaremos polo Festival de Títeres de Redondela con unha montaxe moi divertida e didáctica, así que alí nos vemos.

Maio da Peneda Mutilada.

Os nosos campións:

Este, foi o cemiterio que preparamos na vila para cando as nosas parroquias morran por culpa da Autovía.

En vindeiros días, as fotos do enterro que fixemos na Festa do Choco.

Este mes non demos parado, e non tivemos apenas tempo a ir subindo nada do que fixemos. A ve se imos actualizando este blog un pouquiño, e para empezar, aquí vos vai a letra das coplas coas que gañamos o primeiro premio no concurso de maios. Nuns días, subiremos as fotos.

Este maio que aquí temos é a Peneda mutilada,
o que queira ir a capela ten que facer escalada.

Somos rapaces do Viso, e queremos preguntar
a eses que están no concello, que pobo nos van deixar?

Son amantes do progreso, do ladrillo son devotos,
con cemento e con asfalto, aínda agora compran votos.

Queren facer autovía, con rotonda na Peneda,
para que a xente do Viso chegue antes a Reboreda.

A autovía vai deixarnos sen a auga da traída,
cando non teñamos auga desalamos a da ría.

A autovía leva casas, en Vilar e máis no Viso,
e o Emilio dille a xente: “Comprade na Vila un piso”.

A Nolete hai que ensinarlle algo de cartografía,
pois pensaba que en Vilar se libraban da autovía.

Xaime xaimiño, non toques os collóns,
que ti tes menos votos que nós alegacións.

Emilio, emilio, non hai quen che replique,
calquera che di algo, pareces un cacique.

No pleno no hai debate, non che hai oposición,
si o tema non interesa levántase a sesión.

Pedimos un debate con eses elementos,
non queren debatire, non teñen argumentos.

Paqui teme que a autovía, o noso concello tronce,
nos dicimos que ningunha i ela di que pola once.

A autovía tamén fode, Soutoma e Pontesampaio,
e ó alcalde e ó tenente iso impórtalle un carallo.

Ademáis da autovía haiche cousas que contar.
Imos expoñer algunhas, Non nos podemos calar

Houbo unha folga do lixo non che foi xogo de nenos,
A merda en Redondela chegaba ao salón de plenos.

Operarios despedidos, o concello “preocupado”.
Se cobraran como alcalde, isto non tería pasado.

O de Vigo cos camións é un problema que trae tela,
quitan os camións de Teis e mándanos pra Chapela.

Un semáforo en Cabanas, piden pra poñer na vía,
pois cruzar a carretera converteuse en utopía

Eduardo non se entera e di que a xente inventa, “
o do semáforo en Rande, foiche un erro de imprenta”.

Pazos quere que compartas o teu coche coa xente,
eu comparto si el comparte, o seu soldo de tenente.

Toda a terra do AVE vai pro barrio da Pantalla
fixeron unha montaña que parece o Himalaya.

Taponáronlle-los regos viu a chuvia intermitente,
encheuse de terra e auga ata a casa do tenente.

Canteiras para Granito, queren por en San Martiño.
Coa canteira e coa autovía, vai parecer O Porriño.

Levaron camións de piche pra o barrio do Cadaval,
asfaltaron pronto a pista porque a obra era ilegal.

A pesar destes problemas Xaime dinos todo teso,
“só facedes protestar, estades contra o progreso”.

O progreso non é ter cincuenta mil carreteras.
O progreso é non estar un ano en lista de espera.

Gastan tantos cartos en AVES e autovías,
non invirten un peso no tren de cercanías.

Emilio non me veña con que isto é progreso,
chego a final de mes, e non teño nin un peso.

Emilio non mo venda, Emilio non insista,
que teño que ir a Vigo pra ir o especialista.

A xente da Plataforma seica estamos “majaretas”,
queremos que todos vaian para Vigo en bicicleta.

Cando fastidien o monte, dende o Viso ata Quintela,
baixaremos cos chimpíns a por leña na Alameda.

Autovías e canteiras, AVES e recheos no “mare”,
xa só queda que nos poñan unha central “nucleare”.

Prados, ríos, arboredas, pinares que move o vento,
todo queda sepultado, baixo o asfalto e o cemento.

Cando non teñamos terras pra botar unhas patacas
comeremos o asfalto que o que non engorda mata.

E si estes co progreso seguen a encher os bandullos,
para o ano non teremos nin fiuncho nin pampullos

Xa chegou a despedida xa nos temos que marchar
esperamos que o progreso non nos faga emigrar.

Hai tres aspectos que queremos valorar do Pleno Extraordinario de hoxe, día 29, celebrado a petición do Partido Popular de Redondela e que tiña, na orde do día, debater a postura reflexada polo Concello na alegación oficial presentada ó Ministerio de Fomento, con motivo da exposición pública do estudio informativo da Conexión da A-57 coa rede arterial de Vigo.

En primeiro lugar, e como xa dixemos na anterior nota, aplaudimos a iniciativa do PP, de forzar este pleno extraordinario, porque se debe impedir a toda costa que o Concello lle siga transmitindo, á sociedade local, a sensación de que o debate rematou e que, coa súa postura, xa está todo dito. En Redondela sigue existindo unha forte oposición á Autovía, e sigue existindo un movemento veciñal que así o expresa, amén da preocupación existente entre os posibles afectados; isto todo, a pesares do esforzo feito pola alcaldía para boicotear e ningunear este movemento.

Esta alcaldía, por certo, insiste en demostrar a súa tendencia máis antidemocrática. Ademais de escoller unha hora cuxa intención descarada era boicotear a asistencia de público ó pleno, sen demasiado éxito, por certo, queremos denunciar o feito de que o alcalde denegara tódalas solicitudes feitas por varios colectivos locais para poder expresarse formalmente ó longo do pleno. Estas solicitudes foran cursadas por rexistro, seguindo o procedemento establecido, rexeitándoas unha por unha o alcalde, en pleno exercicio das súas atribucións, ó mesmo tempo que demostraba cánto interese lle suscita a opinión e as inquedanzas dos veciños de este concello. Cero. A causa de todo isto poden ser os pobres argumentos que sosteñen a súa postura, e que se desmontarán facilmente o día que teñan a ben concedernos o debate tan solicitado. Engadir, ademais, que o grupo de goberno tentou, por varias veces, asustar coa posibilidade de retomar o proxecto das variantes de Redondela, no que consideramos un intento de enfrontar ós afectados por unha e outra infraestrutura.

Por último, debemos salientar que se len, entre liñas, dous pequenos movementos cara as posturas defendidas dende sempre pola Plataforma. Nunha banda, o PP sigue pedindo que se cambie a alternativa 5 pola 11, o cal choca co noso argumento de que esta autovía non é necesaria; non obstante, hai catro puntos comúns entre eles e nos: esixir respecto para os afectados, pedir seriedade cando se fala da posibilidade de afastar o trazado das vivendas, esixir que a participación dos técnicos do concello á hora de avaliar os estudio informativo, e pedir a defensa do servicio ferroviario en Redondela, punto este último que supón unha importante e feliz novidade. Na outra banda, o BNG tamén demostra un certo achegamento ó sentido común cando di que o seu apoio á Autovía por Redondela está supeditado ó arquivo da propia A-57, xa que admite como unha aberración que se pretendan construír dúas autovías paralelas e distantes entre si apenas un par de kilómetros. Como é sabido, este foi sempre un razoamento feito pola Plataforma.

Axenda inmediata.

Aproveitamos para lembrarvos que este xoves, 1º de maio, estaremos con grupo de nenos que se presentan ó concurso de Maios con unha obra á que nos colaboramos. A cita é a partires das 11:00 da mañá. Haberá tamén algunha outra sorpresa. O venres dia 2, ás 20:00, terá lugar un corte de tráfico na N-550, á altura do colexio de Cesantes, que foi solicitado polos Naseiros de Pontesampaio, tamén opostos a esta Autovía, co apoio da Plataforma.

Como é sabido, convocouse un pleno extraordinario no Concello de Redondela para o próximo martes dia 29 ás 9:00h, a petición da xefa da oposición local, dona Francisca Canal, no que se abordará a posición oficial do Concello con respecto da polémica conexión da A-57 con Peinador.

Dende a Plataforma facemos dúas lecturas de este asunto. A primeira é positiva, por demostrarse así que este asunto sigue vixente en Redondela e que os veciños afectados, e demais movementos de oposición á autovía, seguimos movendo as poucas fichas que a política deixa ó alcance dos veciños deste concello. A segunda é rotundamente negativa; dende a Plataforma entendemos que, como noutras ocasións, a alcaldía convoca un pleno extraordinario vencellado a temas espiñosos en horario matinal, dificultando así a asistencia dos veciños interesados ó debate que alí se produza. Unha vez máis, a alcaldía demostra a súa tendencia cara o despotismo, a manipulación e a ocultación fronte a unha opinión pública á que lle teme, con esta nova manobra, na que tentan de aumenta-lo abismo que media, neste asunto, entre o pobo de Redondela e os seus "representantes".

A finais do próximo mes de Maio, cúmprense tres meses dende que o rexistro selou o último escrito entregado a ese efecto. Segundo fontes consultadas pola Plataforma, ese é o prazo legal máximo que unha administración ten para responder calquera instancia. Estaremos pendentes da chegada de esa data para iniciar as actuacións oportunas, encamiñadas a poñerlle fin a esta actitude antidemocrática exhibida dende o Concello.

Si premedes neste texto, iredes ó artigo que escribiu un membro da Plataforma no seu blog, no que conta un caso concreto de inxusticia social e explica varias razóns para custionar o gasto en infraestructuras.

Dende hai un par de semanas, a Concellaría de Medio Ambiente do Concello de Redondela, xunto coa Consellería de Medio Ambiente, teñen posto en marcha unha campaña de “coche compartido”, con unha web na que os interesados poden buscar persoas que traballen ou estuden en lugares e horarios semellantes ós seus, e poñerse de acordo entre si para se desprazar nun so coche, tentando fomentar así o aforro, a sostenibilidade, e a redución da saturación circulatoria.

Dende a Plataforma, queremos facer pública a nosa satisfacción con esa medida, que se vai achegando á postura que defendemos de buscarlle solución ós problemas de tráfico da contorna mediante iniciativas encamiñadas a reducilo, no lugar de emprender novos proxectos de grandes infraestruturas como a autovía Vilaboa – Peinador, que virá a destruír boa parte do noso concello e outros veciños. Con esta nota, queremos felicitar ós responsables de esta iniciativa e convidalos a seguiren traballando nesa mesma liña aínda que, sendo honestos, tememos que a medida sexa insuficiente e vaia a ter unha repercusión real tan escasa como tivo xa na Universidade de Vigo, onde un sistema semellante foi implantado hai dous anos.

Por iso mesmo, suxerimos que se afonde noutros medios de éxito máis contrastado, como é o ferrocarril de cercanías ou o acceso telemático a servicios administrativos, por citar algunha das propostas que sostemos dende a Plataforma. Por último, naturalmente, engadir que o rexeitamento da autovía Vilaboa – Peinador, ou calquera outro proxecto de infraestrutura semellante, sería un verdadeiro paso co que demostrar compromiso coa sotenibilidade, e a rendibilidade social do transporte, nun futuro no que esteamos menos condenados a depender dun coche para todo.

A incoherencia do alcalde Xaime Rei.

Noutro plano, comentar as declaracións feitas ós medios a semana pasada polo alcalde de Redondela, Xaime Rei, con motivo de unha campaña pola galeguización das festas, nas que se dicía, entre outras cousas que “Galicia precisa de moitas pedagoxías para impedirmos que os efectos da globalización dilúan a nosa personalidade cultural”. Para os membros da Plataforma, parécenos insultante o cinismo co que este señor pretende facerse pasar por valedor da cultura e a identidade galegas cando, en relación coa súa enconada defensa da “autovía por Redondela”, ten demostrado reiteradamente un desprezo explícito polo noso rural, pola nosa paisaxe, e polos usos tradicionais do noso territorio.

Rematamos recordándovos que mañán, mércores, terá lugar o pleno ordinario de cada mes no Concello de Redondela. Como xa ven sendo tradición, a Plataforma ten pensado acudir ó citado pleno para deixar constancia, unha vez máis, da postura de rexeitamento que os veciños mantemos contra esta autovía, e queixarnos da indefensión que nos provoca o feito de que os políticos locais non asuman como propio ese rexeitamento veciñal.

“No mundo hai recursos suficientes para cubrir as necesidades de todos os homes, pero non para satisfacer a súa cobiza.”

O pasado día 5 de este mes, reunímonos varios colectivos cidadáns enfrentados ás institucións por problemáticas relacionadas coa pésima planificación e a sobreabundacia de infraestrutras de alta capacidade. De esa reunión, ademáis da vontade de empezar a traballar xuntos na creación dunha fronte común, saiu esta nota que lle foi enviada ós medios:

Pontevedra 06-03-2008.

Comunicado de Prensa que emite la  Federación de Coordinadoras.

En los últimos días han aparecido en los medios de comunicación  declaraciones tan graves, hechas por el poder político,  que han indignado a la Federación de Coordinadoras de afectados  por el estudio informativo EI-4-PO-18. AutovíaA-57: Circunvalación de Pontevedra ( formada por la parroquias de Campañó, Alba, Lérez, Sta. María de Xeve, S. Andrés de Xeve, Bora, Tomeza y Salcedo ( Nudo do Pino).

            La Federación ha transmitido su preocupación a otros colectivos: La Plataforma de la PO-531( Curro- Pontevedra), la Plataforma  Cidada contra a Autovía de Redondela ( A-57), Comunidad de Montes de Lourizán, Federación Castelao, etc… Todos ellos han celebrado, el 05-03-2008, una reunión al objeto realizar una puesta en común de los problemas a la ciudadanía en general  en materia de infraestructuras y otras actuaciones.

            De esta forma se refuerza la unión vecinal  frente a decisiones políticas que se toman sin tener en cuenta la opinión  de los vecinos. Se engaña desde el poder político a los ciudadanos, ninguneándoles, creando un estado de opinión basado en la ocultación o enmascarado de la verdad.

            Los vecinos ya estamos   cansados de vivir la política de hechos consumados, de la falta de planificación y la ausencia de participación ciudadana. Por ello todos los colectivos reunidos en la tarde de ayer  hemos decido  crear un equipo de  de trabajo, para analizar las necesidades de la ciudadanía y exigir a los políticos que hagan bien su cometido, que se ganen el sueldo, tanto aquellos que están  gobernando  como la oposición.

             En fechas próximas, estos colectivos volverán a reunirse para planificar su ajenda de trabajo.

Por Bora: Mª del Carmen Tenorio

Por Xeve: Estela Eirín

Por Xeve: Palmira  Pazos

Por Campañó- Lérez- Alba: Benito Fontán, Andrés Corbacho y M. Villanueva 

Por C. Montes de Lourizán:  Román Chaves 

Por la plataforma de la PO-531: Manuel Corredoira e Sabino Cancela

Como vos anunciamos o outro dia, esta mañá tivemos unha mesa posta xunto a Casa do Concello de Redondela, dende a que intentamos facerlle chegar ós nosos veciños a intención que a Plataforma, e os colectivos veciñais de este concello, temos de ser escoitados pola clase política, como suposta representante lexítima do pobo.

 Sigue faltando información. 

 Tristemente, no acto de hoxe, descubrimos que aínda hai veciños que non están informados da realidade do proxecto que o Ministerio de Fomento puxo a exposición pública o novembro pasado, que aínda se mestura coas variantes e que algunha fonte trata de convencer á xente de que ese estudio xa é definitivo e non cabe posibilidade ningunha de botalo para atrás. Dende a Plataforma, seguiremos a tratar de manter informados a todos os nosos veciños, e a seguir a loitar contra os conatos de manipulación que se puideran dar.