Como é sabido, a intención da alcaldía era retomar, o xoves 31 pola mañán, o pleno que fora suspendido o día anterior ante as protestas veciñais. Pese a non existir unha convocatoria formal por parte de ningún colectivo, un pequeno grupo de persoas, formado por afectados e membros de colectivos locais, acudiu a título personal a ese pleno que non se chegou a celebrar por razóns de ordenación legal que o alcalde non tivera en conta nun primeiro momento.

Unha vez aclaradas as circunstancias polas que non se puido retomar o pleno na mañá do 31, o alcalde de Redondela, D. Xaime Rei, e o concelleiro D. Emilio González encaráronse con un membro da Plataforma Cidadá de Redondela e increpárono en termos de “indocumentado” e “armadanzas”, ademáis de ameazalo con denuncialo no xulgado para darlle un escarmento. Non satisfeitos, tamén se encararon con algún dos veciños afectados polo proxecto da Autovía alí presentes, dicíndolles que ían abandonar as súas supostas xestións no Ministerio de Fomento en defensa deles.

Dende a Plataforma, creemos que esta conducta é impropia dunhas persoas que, supostamente, deberían representar a cidadanía, e observamos un abuso de poder por parte da corporación municipal, xa que sosteñen con ameazas privadas o que non son capaces de defender en público (a súa defensa da autovía) con argumentos, e porque están a xogar cos sentimentos e as preocupacións de persoas que ven perigar os fogares polos que traballaron toda a súa vida, sin obter apoio (nin siquera respeto) ningún das institucións locais.

Declaracións a Radio Redondela.

Relacionado con todo isto, o Sr. Xaime Rei fixo unha serie de declaracións, nunha entrevista concedida á Radio Municipal de Redondela nas que, ademáis de seguir ameazando co xulgado e de seguir tratando de descalificar ós movementos veciñais opostos á Autovía, culpou públicamente ós “cabecillas” destes movementos dos feitos acontecidos o día 30. Polo que respecta á Plataforma, queremos respostarlle ó alcalde dúas cousas:

Primeira. Os actos reivindicativos convocados pola Plataforma tiveron sempre un caracter lúdico e didáctico, e xamáis incitamos a ninguén a emprender accións violentas, agresivas ou irrespetuosas coas persoas. Pensamos que a mellor conducta é emprender un debate constructivo, propoñendo alternativas ó despilfarro e a destrucción que traerían esta autovía.

Segunda. A Plataforma non ten “cabecillas”, nin tan siquera líderes; é unha organización social enteiramente asamblearia, democrática e participativa, palabras cuio descoñecemento demostra o noso alcalde coa súa conducta política. Todo o mundo pode acceder á Plataforma e participar nos nosos debates, incluído o propio Xaime Rei, na súa condición de veciño de Redondela. Reunímonos todos os luns ás nove e media na Casa da Cultura de Redondela.

El acto convocado para ese día consistía en una reivindicación de lo rural como cultura y como oportunidad económica, a defender frente a los daños que la Autovía puede causar en nuestro entorno. Queremos dejar claro ya desde aquí que, no existía la intención de forzar la suspensión del pleno sino, como en pasadas y futuras ocasiones, escuchar el debate político local y hacer patente nuestra reivindicación. En ningún caso es nuestra intención interferir en el trabajo normal de las instituciones, sino demandar que estas escuchen nuestras demandas.

Acudimos representantes de al menos cinco colectivos, entre Plataforma, asociaciones vecinales y asociaciones culturales, además de los vecinos que se sumaron a título personal. Entre todos los asistentes, había tanto personas directamente afectadas por una potencial expropiación como gentes opuestas al proyecto, por considerar que los daños creados por la futura infrestructura no se verán compensados por su supuesta utilidad, y que defienden la inversión en proyectos más razonables y necesarios, como la creación de una red de transporte público eficiente y económico que ya tenemos argumentado tantas veces. Ejemplo de este hecho, que pone en evidencia a la “teoría” del alcalde de que sólo protestan los afectados, era la presencia de un grupo de vecinos de la parroquia de Chapela, ajena totalmente al proyecto del ministerio de Fomento.

En la Plataforma, como en los demás colectivos involucrados en la oposición a la Autovía, somos plenamente conscientes de que ese ministerio es el responsable principal, que no único, de tan desacertado plan, y a ese respecto tendremos las iniciativas correspondientes. Nuestra presencia en los plenos municipales responde al lógico anhelo de que los partidos políticos de Redondela representen las demandas de los vecinos de este municipio, pero desde el gobierno municipal se insiste en no entender (o no querer entender) este punto, y se sostienen falacias como que en este ayuntamiento no existe oposición a la Autovía. Esa actitud, el desprecio y la prepotencia mostrados desde la alcaldía a los movimientos vecinales, está creando una fuerte tensión entre algunos vecinos, que se sienten ofendidos por la conducta déspota del alcalde, entre otros, y es esa tensión el origen de sucesos como el del pasado miércoles que, lamentablemente, corren riesgo de repetirse mientras esta anormalidad se mantenga, y decimos “anormalidad” porque entendemos que la actitud normal de unos representantes municipales sería ponerse del lado de los vecinos, como ha ocurrido en los demás ayuntamientos afectados, y no en contra, como ocurre en Redondela.

Sobre el caso del AVE.

Non esquezades que esta fin de semana andaremos polo Festival de Títeres de Redondela con unha montaxe moi divertida e didáctica, así que alí nos vemos.

Maio da Peneda Mutilada.

Os nosos campións:

Este, foi o cemiterio que preparamos na vila para cando as nosas parroquias morran por culpa da Autovía.

En vindeiros días, as fotos do enterro que fixemos na Festa do Choco.

Este maio que aquí temos é a Peneda mutilada,
o que queira ir a capela ten que facer escalada.

Somos rapaces do Viso, e queremos preguntar
a eses que están no concello, que pobo nos van deixar?

Son amantes do progreso, do ladrillo son devotos,
con cemento e con asfalto, aínda agora compran votos.

Queren facer autovía, con rotonda na Peneda,
para que a xente do Viso chegue antes a Reboreda.

A autovía vai deixarnos sen a auga da traída,
cando non teñamos auga desalamos a da ría.

A autovía leva casas, en Vilar e máis no Viso,
e o Emilio dille a xente: “Comprade na Vila un piso”.

A Nolete hai que ensinarlle algo de cartografía,
pois pensaba que en Vilar se libraban da autovía.

Xaime xaimiño, non toques os collóns,
que ti tes menos votos que nós alegacións.

Emilio, emilio, non hai quen che replique,
calquera che di algo, pareces un cacique.

No pleno no hai debate, non che hai oposición,
si o tema non interesa levántase a sesión.

Pedimos un debate con eses elementos,
non queren debatire, non teñen argumentos.

Paqui teme que a autovía, o noso concello tronce,
nos dicimos que ningunha i ela di que pola once.

A autovía tamén fode, Soutoma e Pontesampaio,
e ó alcalde e ó tenente iso impórtalle un carallo.

Ademáis da autovía haiche cousas que contar.
Imos expoñer algunhas, Non nos podemos calar

Houbo unha folga do lixo non che foi xogo de nenos,
A merda en Redondela chegaba ao salón de plenos.

Operarios despedidos, o concello “preocupado”.
Se cobraran como alcalde, isto non tería pasado.

O de Vigo cos camións é un problema que trae tela,
quitan os camións de Teis e mándanos pra Chapela.

Un semáforo en Cabanas, piden pra poñer na vía,
pois cruzar a carretera converteuse en utopía

Eduardo non se entera e di que a xente inventa, “
o do semáforo en Rande, foiche un erro de imprenta”.

Pazos quere que compartas o teu coche coa xente,
eu comparto si el comparte, o seu soldo de tenente.

Toda a terra do AVE vai pro barrio da Pantalla
fixeron unha montaña que parece o Himalaya.

Taponáronlle-los regos viu a chuvia intermitente,
encheuse de terra e auga ata a casa do tenente.

Canteiras para Granito, queren por en San Martiño.
Coa canteira e coa autovía, vai parecer O Porriño.

Levaron camións de piche pra o barrio do Cadaval,
asfaltaron pronto a pista porque a obra era ilegal.

A pesar destes problemas Xaime dinos todo teso,
“só facedes protestar, estades contra o progreso”.

O progreso non é ter cincuenta mil carreteras.
O progreso é non estar un ano en lista de espera.

Gastan tantos cartos en AVES e autovías,
non invirten un peso no tren de cercanías.

Emilio non me veña con que isto é progreso,
chego a final de mes, e non teño nin un peso.

Emilio non mo venda, Emilio non insista,
que teño que ir a Vigo pra ir o especialista.

A xente da Plataforma seica estamos “majaretas”,
queremos que todos vaian para Vigo en bicicleta.

Cando fastidien o monte, dende o Viso ata Quintela,
baixaremos cos chimpíns a por leña na Alameda.

Autovías e canteiras, AVES e recheos no “mare”,
xa só queda que nos poñan unha central “nucleare”.

Prados, ríos, arboredas, pinares que move o vento,
todo queda sepultado, baixo o asfalto e o cemento.

Cando non teñamos terras pra botar unhas patacas
comeremos o asfalto que o que non engorda mata.

E si estes co progreso seguen a encher os bandullos,
para o ano non teremos nin fiuncho nin pampullos

Xa chegou a despedida xa nos temos que marchar
esperamos que o progreso non nos faga emigrar.

En primeiro lugar, e como xa dixemos na anterior nota, aplaudimos a iniciativa do PP, de forzar este pleno extraordinario, porque se debe impedir a toda costa que o Concello lle siga transmitindo, á sociedade local, a sensación de que o debate rematou e que, coa súa postura, xa está todo dito. En Redondela sigue existindo unha forte oposición á Autovía, e sigue existindo un movemento veciñal que así o expresa, amén da preocupación existente entre os posibles afectados; isto todo, a pesares do esforzo feito pola alcaldía para boicotear e ningunear este movemento.

Esta alcaldía, por certo, insiste en demostrar a súa tendencia máis antidemocrática. Ademais de escoller unha hora cuxa intención descarada era boicotear a asistencia de público ó pleno, sen demasiado éxito, por certo, queremos denunciar o feito de que o alcalde denegara tódalas solicitudes feitas por varios colectivos locais para poder expresarse formalmente ó longo do pleno. Estas solicitudes foran cursadas por rexistro, seguindo o procedemento establecido, rexeitándoas unha por unha o alcalde, en pleno exercicio das súas atribucións, ó mesmo tempo que demostraba cánto interese lle suscita a opinión e as inquedanzas dos veciños de este concello. Cero. A causa de todo isto poden ser os pobres argumentos que sosteñen a súa postura, e que se desmontarán facilmente o día que teñan a ben concedernos o debate tan solicitado. Engadir, ademais, que o grupo de goberno tentou, por varias veces, asustar coa posibilidade de retomar o proxecto das variantes de Redondela, no que consideramos un intento de enfrontar ós afectados por unha e outra infraestrutura.

Por último, debemos salientar que se len, entre liñas, dous pequenos movementos cara as posturas defendidas dende sempre pola Plataforma. Nunha banda, o PP sigue pedindo que se cambie a alternativa 5 pola 11, o cal choca co noso argumento de que esta autovía non é necesaria; non obstante, hai catro puntos comúns entre eles e nos: esixir respecto para os afectados, pedir seriedade cando se fala da posibilidade de afastar o trazado das vivendas, esixir que a participación dos técnicos do concello á hora de avaliar os estudio informativo, e pedir a defensa do servicio ferroviario en Redondela, punto este último que supón unha importante e feliz novidade. Na outra banda, o BNG tamén demostra un certo achegamento ó sentido común cando di que o seu apoio á Autovía por Redondela está supeditado ó arquivo da propia A-57, xa que admite como unha aberración que se pretendan construír dúas autovías paralelas e distantes entre si apenas un par de kilómetros. Como é sabido, este foi sempre un razoamento feito pola Plataforma.

Axenda inmediata.

Aproveitamos para lembrarvos que este xoves, 1º de maio, estaremos con grupo de nenos que se presentan ó concurso de Maios con unha obra á que nos colaboramos. A cita é a partires das 11:00 da mañá. Haberá tamén algunha outra sorpresa. O venres dia 2, ás 20:00, terá lugar un corte de tráfico na N-550, á altura do colexio de Cesantes, que foi solicitado polos Naseiros de Pontesampaio, tamén opostos a esta Autovía, co apoio da Plataforma.

Dende a Plataforma facemos dúas lecturas de este asunto. A primeira é positiva, por demostrarse así que este asunto sigue vixente en Redondela e que os veciños afectados, e demais movementos de oposición á autovía, seguimos movendo as poucas fichas que a política deixa ó alcance dos veciños deste concello. A segunda é rotundamente negativa; dende a Plataforma entendemos que, como noutras ocasións, a alcaldía convoca un pleno extraordinario vencellado a temas espiñosos en horario matinal, dificultando así a asistencia dos veciños interesados ó debate que alí se produza. Unha vez máis, a alcaldía demostra a súa tendencia cara o despotismo, a manipulación e a ocultación fronte a unha opinión pública á que lle teme, con esta nova manobra, na que tentan de aumenta-lo abismo que media, neste asunto, entre o pobo de Redondela e os seus "representantes".

A finais do próximo mes de Maio, cúmprense tres meses dende que o rexistro selou o último escrito entregado a ese efecto. Segundo fontes consultadas pola Plataforma, ese é o prazo legal máximo que unha administración ten para responder calquera instancia. Estaremos pendentes da chegada de esa data para iniciar as actuacións oportunas, encamiñadas a poñerlle fin a esta actitude antidemocrática exhibida dende o Concello.

Dende a Plataforma, queremos facer pública a nosa satisfacción con esa medida, que se vai achegando á postura que defendemos de buscarlle solución ós problemas de tráfico da contorna mediante iniciativas encamiñadas a reducilo, no lugar de emprender novos proxectos de grandes infraestruturas como a autovía Vilaboa – Peinador, que virá a destruír boa parte do noso concello e outros veciños. Con esta nota, queremos felicitar ós responsables de esta iniciativa e convidalos a seguiren traballando nesa mesma liña aínda que, sendo honestos, tememos que a medida sexa insuficiente e vaia a ter unha repercusión real tan escasa como tivo xa na Universidade de Vigo, onde un sistema semellante foi implantado hai dous anos.

Por iso mesmo, suxerimos que se afonde noutros medios de éxito máis contrastado, como é o ferrocarril de cercanías ou o acceso telemático a servicios administrativos, por citar algunha das propostas que sostemos dende a Plataforma. Por último, naturalmente, engadir que o rexeitamento da autovía Vilaboa – Peinador, ou calquera outro proxecto de infraestrutura semellante, sería un verdadeiro paso co que demostrar compromiso coa sotenibilidade, e a rendibilidade social do transporte, nun futuro no que esteamos menos condenados a depender dun coche para todo.

A incoherencia do alcalde Xaime Rei.

Noutro plano, comentar as declaracións feitas ós medios a semana pasada polo alcalde de Redondela, Xaime Rei, con motivo de unha campaña pola galeguización das festas, nas que se dicía, entre outras cousas que “Galicia precisa de moitas pedagoxías para impedirmos que os efectos da globalización dilúan a nosa personalidade cultural”. Para os membros da Plataforma, parécenos insultante o cinismo co que este señor pretende facerse pasar por valedor da cultura e a identidade galegas cando, en relación coa súa enconada defensa da “autovía por Redondela”, ten demostrado reiteradamente un desprezo explícito polo noso rural, pola nosa paisaxe, e polos usos tradicionais do noso territorio.

Rematamos recordándovos que mañán, mércores, terá lugar o pleno ordinario de cada mes no Concello de Redondela. Como xa ven sendo tradición, a Plataforma ten pensado acudir ó citado pleno para deixar constancia, unha vez máis, da postura de rexeitamento que os veciños mantemos contra esta autovía, e queixarnos da indefensión que nos provoca o feito de que os políticos locais non asuman como propio ese rexeitamento veciñal.